.

All About Keelapavoor

கீழப்பாவூர் வரலாற்று பாதையில்


கீழப்பாவூர் என்ற பெயர் உருவாகியது எப்படி என்று சரியாகத் தெரியவில்லை, ஒரு புராணக்கதை கேட்டதாக நினைவு ஆனால் நினைவிலில்லை. சின்ன தேடலுக்குப்பிறகு பத்தொன்பதாம் நூற்றாண்டிலும் நமது ஊர் இப்படியே அழைக்கப்பட்டிருக்கிறது என்பது தெரியவருகிறது.

1854-ம் ஆண்டில் ப்ரோவா கம்பெனியை சேர்ந்தவர்களால் திருநெல்வேலி மாவட்டத்தின் வரைபடம் வெளியிடப்பட்டிருக்கிறது. அதில் தென்காசி "Thenkaushee" என்றும், சுரண்டை "Shorunda" எனவும் கீழப்பாவூர் "Keelapauvoor" என்றும் குறிப்பிடப்பட்டிருக்கிறது. "Cape Comorin" என்றழைக்கப்பட்ட கன்னியாக்குமரியிலிருந்து அன்றைய விருதுபட்டியான இன்றைய விருதுநகர் வரையிலுள்ள குறிப்பிட்ட சில ஊர்பெயர்களோடு இவ்வரைபடம் வரையப்பட்டுள்ளது. தற்போது அருகிலுள்ள ஊர்கள் என்ன பெயரில் அழைக்கப் பட்டிருக்கும் எனத்தெரியவில்லை, அதற்கான குறிப்புகள் எதுவுமில்லை. கிழக்கிந்திய கம்பெனி ஜமீன்தார்களின் ஆட்சியிடங்களை கைப்பற்றத் தொடங்கியே மொத்த பகுதியை வளைத்ததும் ஊத்துமலை ஜமீனுக்கு கீழ் கீழப்பாவூரின் பெருவாரியான நிலப்பரப்பு இருந்ததும் வரைபடத்தில் இடம்பெற தகுதியாக(?) அமைந்திருக்கலாம். ஊத்துமலையும் வரைபடத்திலுள்ளது.

அதேபோல் 1814-ல் வெளியிடப்பட்ட வரைபடம் ஒன்றில் "Paovoor" என்று குறிப்பிடப்பட்டுள்ளது. இது சற்று முந்தையகாலத்தின் படம் என்பதனால் சுற்றியுள்ள ஊர்களான மேலப்பாவூர்  மற்றும் பாவூர்சத்திரத்தையும் இப்பெயர் குறிப்பதாகக் கொள்ளலாம்.
1804-ல் ஜெர்மன் பதிப்பில் வெளியான வரைபடம் ஒன்றில் குற்றாலம் "Courtallum" என்றும் ஆலங்குளம் "Alumcollum" எனவும் குறிப்பிடப்பட்டுள்ளது. இதில் கீழப்பாவூர் பற்றி குறிப்பெதுவுமில்லை.

தேடுவோம்.
Learn more »

ஏ .வி .உயர் நிலைப்பள்ளியில் 2008 ஆம் ஆண்டு பயின்ற மாணவ/மாணவிகள் முதல் சந்திப்பு விழா

.வி .உயர் நிலைப்பள்ளியில் 2008 ஆம் ஆண்டு பயின்ற மாணவ/மாணவிகள் முதல் சந்திப்பு விழா 15.01.2016 அன்று கீழப்பாவூர் சமுதாய நலக் கூடத்தில் நடை பெற்றது.



இந்த விழாவை பள்ளி நிர்வாகி திரு. .கார்த்திகேய சங்கர ராமன் தலைமை தாங்கினார்இந்நாள் தலைமை ஆசிரியர் திரு ரா.முருகேசன் , ஓய்வு பெற்ற தலைமை ஆசிரியர் திரு..துரைராஜ், ஓய்வு பெற்ற ஆசிரியர்கள்  திரு ச.சுப்பிரமணியன், திருமதி சு.கல்யாணி மற்றும்
திரு ப .பட்டமுத்து ஆகியோர் முன்னிலை வகித்தனர். 52 மாணவர்கள், 12 மாணவிகள் மற்றும் 12 ஆசிரியர்கள் கலந்து கொண்டனர்

விழாவில் பள்ளிப் பருவ நினைவுகளைப் பலரும் பகிர்ந்து கொண்டனர்.
பள்ளியின் உட் கட்டமைப்பு வசதிகளை மேம்படுத்த, பள்ளியில் படித்த பழைய மாணவர்களை ஒன்றிணைப்பது பற்றி விவாதிக்கப்பட்டது. தன்னை இந்த நிலைக்கு உயர்த்திய பள்ளி மற்றும் ஆசிரியர்களுக்கும் மாணவ/மாணவிகள் தங்கள் நன்றிகளை வெளிப்படுத்தினர.

சமூக விழிப்புணர்வு ஏற்படுத்தும் விதமாக,விழாவில் பங்கு பெற்ற ஆசிரியர்களுக்கு மரக்கன்றுகள் வழங்கப்பட்டது

நீங்களும் ஏ.வி உயர் நிலைப்பள்ளியில் பழைய மாணவர்/மாணவி எனில் இணையவும்.......


புகைப்படங்கள் 


  


































Learn more »

பாவூர் பசுமை பணி 12

   12 வது வாரம்  26-2-2017 பாவூர் பசுமை இயக்கம் சார்பாக குளத்தில் உள்ள கருவேல மரம் மற்றும் வேலிசெடிகளை JCB உதவியுடன் அகற்றப்பட்டது

இயங்கும் ஒரு குழுவே தன்னை இயக்கமாக முன்னிருத்திக்கொள்ள முடியும், அவ்வகையில் நாங்கள் இயங்குகிறோம் இயக்கத்தின் நல்லுள்ளங்களால். கரை ததும்ப நீரைக் கண்டவர்கள் கண்ணில் காணக்கிடைப்பது காய்ந்த புல்லும் கழிவுநீர் குட்டையும் குப்பை மேடுமாக மாறிப்போன பெரியகுளம் என்றானபோது, வெதும்பிய உள்ளங்கள் இயற்கை அளித்த இடைவெளியை மராமத்து பணியை மேற்கொள்ளும் நாட்களாக மாற்றிக்கொண்டதும் களப்பணியாளர்கள் தங்களின் விடுமுறை தினத்தை மக்கள் நலனுக்காக ஒதுக்குவதும் எத்தனை சிறப்பானது, வணக்கத்துக்குரியது.

தொடர்ச்சியான செயல்பாடுகளுக்கு பிறகான இந்நாளில் பணியினை வேகப்படுத்த குழுவினரின் நிதி  பங்களிப்பில் அகழ்எந்திரமொன்று வேண்டா விருந்தாளிகளுக்கு சோறுபோட்ட கதையாய் வளர்ந்து நிற்கும் அமலைகளையும் கருவேலங்களையும் வேர் பிடுங்கி களமாடுகிறது. நமது செயல்பாட்டு வினை அன்புள்ளங்கள் பல இயக்கத்தில் இணைய வழி ஏற்படுத்திக் கொண்டிருக்கிறது.
 
 
 
































 

JCB உடன் களப்பணியில் கலந்துகொண்டவர்கள்: 

  • பொன்.கணேசன் 
  • அருணாசலம்    
  •  துரைராஜ்     
  •  கமல்சீனிராஜா    
  •  ஜெயச்சந்திரன்     
  •  சுடர்ராஜ்
  •  சந்தண விஷ்ணு 
  •  சிங்ககுட்டி            
  •   ராஜசங்கர்        
  •  ராம்குமார்   
  •  கலைமுத்துராமன்  
  •   சக்திவேல்         
  •  கோட்டைசாமி      
  •  சிவக்குமார்           
  • சீனீபாண்டி  
 
நிதி : இயக்க உறுப்பினர்கள்
                                                             
குடிநீர்: அருணாசலம்     
 மதிய உணவு : V.K.கணபதி

இளைஞர்களாகிய நாம் விழித்துக்கொள்ளாத வரை சமூகத்தில் மாற்றம் ஏதும் நிகழப்போவது இல்லை

பாவூர் பசுமை இயக்கம் 
கீழப்பாவூர்  - 627806

Learn more »